საინტერესო ფაქტები

·         1918 წელი, გარდა უნივერსიტეტის დაარსებისა, ჩვენი ქვეყნის ისტორიაში კიდევ ერთი უდიდესი მოვლენით იყო გამორჩეული: 26 მაისს საქართველომ რუსეთის საუკუნოვანი მონობიდან დახსნის დოკუმენტი-დამოუკიდებლობის აქტი მიიღო.ამ ისტორიულ დოკუმენტს,სხვა დიდ ქართველებთან ერთად, ექვთიმე თაყაშვილის ხელმოწერაც ამშვენებს. ეს ბუნებრივიცაა-იგი ხომ არა მხოლოდ მეცნიერი, არამედ პატრიოტი და საზოგადო მოღვაწეც იყო და ასეთ დროს განზე ვერ დარჩებოდა. ამიტომ სწორედ ყველაზე უფრო პატრიოტული-ეროვნულ-დემოკრატიული პარტია დააფუძნა თანამოაზრეებთან ერთად და პირველი ქართული პარლამენტის თავჯდომარის მოადგილეც გახდა.

·         მხოლოდ უცხოეთში გადამალული ქართული განძი რომ დაეცვა და დაებრუნებინა სამშობლოში, ესეც ეყოფოდა საკუთარი სახელის უკვდავსაყოფად ექვთიმე თაყაიშვილს, მაგრამ თვით ამ საგანძურის უდიდესი ნაწილი მან ჯერ კიდევ საქართველოში ყოფნისას მოიპოვა,აღმოაჩინა და შეისყიდა.

·         ექვთიმე თაყაიშვილი იყო პირველი,ვინც ჯერ კიდევ რუსული იმპერიის პერიოდში გაბედა და დაიწყო ქართული ისტორიის „შეგროვება“-ეძებდა,შოულობდა,ყიდულობდა,არქეოლოგიურ ექსპედიციებს აწყობდა...

·         ილია ჭავჭავაძესთან ერთად, ექვთიმე თაყაიშვილმა შეასრულა უდიდესი როლი ნიკოლოზ ბარათაშვილის შემოქმედების გადარჩენის საქმეში.ის ილიას ბარათაშვილის ნეშტის განჯიდან თბილისში გადმოსვენებაშიც დაეხმარა. რაც მთავარია, სწორედ მისი თაოსნობითა და რედაქტორობით გამოსცა „წერა-კითხვის გამავრცელებელმა საზოგადოებამ ბარათაშვილის ლექსების პირველი კრებული.

·         როდესაც ექვთიმე თაყაიშვილი სათავადაზნაურო გიმნაზიის დირექტორი იყო,ხშირად ახერხებდა, საერწმუნებინა ზედამხედველთა საბჭო,რომ რომელიმე ნიჭიერი ბავშვი, მიუხედავად მისი გლეხური წარმოშობისა, უფასოდ მიეღოთ სასწავლებელში. ასე აღიზარდა გიმნაზიაში უამრავი ქართველი მოღვაწე, რომლებიც, რომ არა ექვთიმე თაყაიშვილის მონდომება, ვერასოდეს მოახერხებდნენ სწავლას.

·         ექვთიმე თაყაიშვილმა თვით ილიას ერთი უბრწყინვალესი გამოსვლის ტექსტიც შემოგვინახა:1896 წლის 10 მარტს ისინი ერთად ჩავიდნენ ქუთაისში გაბრიელ ეპისკოპოსის(ქიქოძის) დაკრძალვაზე. სწორედ იქ წარმოთქვა ილიამ ის სიტყვა. ექვთიმე მაშინვე მიხვდა, რომ ეს ტექსტი არ უნდა დაჰკარგვოდა შთამომავლობას და მაშინვე ჩაიწერა. ეს სიტყვა დღეს ორატორობის ნიმუშად ითვლება.

·         დიდმა ქართველმა მწერალმა 

კონსტანტინე გამსახურდიამ ერთხელ 

თქვა:“მოვა დრო და ილია ჭავჭავაძეს, 

ექვთიმე თაყაიშვილსა და ივანე 

ჯავახიშვილს ქართული ეკლესია 


წმინდანებად შერაცხავს“.მართლაც, 

ილია ჭავჭავაძე და ექვთიმე 

თაყაიშვილი წმინდანებად შერაცხა ქართულმა ეკლესიამ. 

ვინ იცის,იქნებ ოდესმე სრულიად ახდეს დიდი მწერლის 

წინასწარმეტყველება.



გამოჩენილი ადამიანების ბიოგრაფიები-„ექვთიმე თაყაიშვილი“