მარსელში გემს დაუხვდა სენეგალის პოლკი, რომელმაც საქართველოს ნივთები ალყაშემორტყმულად გადაიტანა გემიდან ბანკში და მაშინვე დაიწყო კომისიამ მუშაობა (ექვთიმე თაყაიშვილის, იოსებ ელიგულაშვილის, ზურაბ ავალიშვილისა და ანდრია დეკანოზიშვილის შემადგენლობით), რომელმაც ერთი თვე გასტანა,. ყველაფერი, რაც საქართველოდან იქნა გატანილი, უდანაკარგოდ ცაბარდა მარსელის ბანკს ოცდაცხრამეტი ყუთის ოდენობით. განძეულის შენახვის საფასურად ბანკმა წელიწადში ორიათას ხუთასი ფრანკი მოითხოვა. ერთი წლის ქირა უკვე გადაიხადეს და პარიზში გაემგზავრნენ. დანარჩენი ყუთები ზურაბ ავალიშვილმა მიაბარა პარიზის „გარდემებელში“
ექვთიმე თავისი ოჯახით დაბინავდა მისთვის განკუთვნილ სასტუმროში, ვიქტორ ჰიუგოს პროსპექტზე,სადაც უკვე ცხოვრობდნენ საქართველოს ყოფილი მენშევიკური მთავრობის მთელი შემადგენლობა ნოე ჟორდანიას მეთაურობით...